Tovuti Hii Imefungwa. Tumehamia Kwenye Parstoday Kiswahili
Jumatatu, 19 Oktoba 2015 19:58

"Maafa ya Mina ni moja ya mitihani ya M/Mungu"

"Maafa ya Mina ni moja ya mitihani ya M/Mungu"

Kiongozi Muadhamu wa Mapinduzi ya Kiislamu amekosoa kimya cha serikali za Magharibi na taasisi zinazodai kutetea haki za binadamu kuhusu maafa ya machungu ya Mina. Ayatullahil Udhma Ali Khamenei amesema maafa ya kusikitisha sana na ya kutisha ya Mina ni moja kati ya mitihani ya Mwenyezi Mungu na kusisitiza kuwa, msiba huo mkubwa haupaswi kusahauliwa. Amesema kuwa chombo cha udiplomasia na Jumuiya ya Kusimamia Hija vina jukumu la kufuatilia kadhia hii ipasavyo. Kiongozi Muadhamu wa Mapinduzi ambaye alikuwa akihutubia hadhara ya wafanyakazi na wasimamizi wa msafara wa ibada ya Hija ameashiria majukumu ya serikali mwenyeji mkabala na kupoteza maisha Waislamu elfu saba na kubainisha kuwa, baada ya kujiri tukio hilo, ulimwengu wa Kiislamu ulipasa kupaza sauti moja na kulalamikia jambo hilo, hata hivyo inasikitisha kamba hakuna sauti iliyosikika ghairi ya sauti ya Jamhuri ya Kiislamu ya Iran na kwamba hata serikali ambazo mahujaji wao ni miongoni mwa watu walioaga dunia huko Mina, hazikuwasilisha malalamiko inavyotakikana kuhusiana na maafa hayo.

Kiongozi Muadhamu wa Mapinduzi ya Kiislamu amesema, kufuatilia maafa ya Mina na kufanya mazungumzo na serikali za nchi mbalimbali ili kubainisha umuhimu wa kilichotokea na kuchunguza njia za kuzuia kutokea tena maafa kama hayo ni jukumu muhimu la maafisa husika, hususan chombo cha udiplomasia cha Iran. Ayatullah Khamenei ameongeza kuwa, ni wazi kwamba maafa ya Mina yametokana na upuuzaji wa serikali mwenyeji, lakini kwa hali yoyote ile, suala hili si suala la kisiasa, bali ni kadhia inayowahusu maelfu ya Waislamu ambao wameaga dunia wakati wakiteleza ibada na amali ya Hija huku wakiwa katika vazi la Ihram na kwamba  na suala hili ni linapasa kufuatiliwa kwa jadi.

 

Andika maoni


Msimbo salama (Security code)
Upyesha (Refresh)