Tovuti Hii Imefungwa. Tumehamia Kwenye Parstoday Kiswahili
Jumapili, 24 Aprili 2016 09:02

Watu 12 wauawa katika hujuma za kigaidi mjini Baghdad, Iraq

Watu 12 wauawa katika  hujuma za kigaidi mjini Baghdad, Iraq
Kwa akali watu 12 wameuawa na makumi ya wengine kujeruhiwa katika mashambulizi mawili ya bomu katika mji mkuu wa Iraq, Baghdad.

Habari zinasema kuwa, shambulizi la kwanza lilifanyika karibu na kituo cha upekuzi katika eneo la Husseiniya kaskazini mwa mji huo na kuua watu tisa na kujeruhi wengine 28.

Shambulizi la pili lililenga msafara wa magari ya kijeshi katika eneo la Arab Jabour, kusini mashariki mwa mji mkuu wa Baghdad na kusababisha vifo vya watu watatu na wengine 11 kujeruhiwa.

Hakuna kundi lolote lililotangaza kuhusika na miripuko hiyo ya mabomu ya kutegwa garini jana jioni, lakini aghalabu ya hujuma za aina hii zimekuwa zikifanywa na kundi la kigaidi na kitakfiri la Daesh.

Ijumaa iliyopita, watu wasiopungua tisa waliuawa na wengine zaidi ya 25 kujeruhiwa baada ya bomu kulipuka ndani ya msikiti mmoja katika eneo la Radwaniyah kusini magharibi mwa mji mkuu wa Iraq, Baghdad.

Aidha siku ya Alkhamisi kulijiri miripuko mingine katika maeneo kadhaa ya mji wa Baghdad ambapo watu wanane waliuawa na wengine kadhaa kujeruhiwa.

Idara ya Umoja wa Mataifa nchini Iraq inasema Wairaqi 1,119 waliuawa kote Iraq katika hujuma za kigaidi mwezi uliopita wa Machi pekee.

Andika maoni


Msimbo salama (Security code)
Upyesha (Refresh)

Hadithi ya Uongofu (39)

Ni matarajio yangu kuwa, hamjambo wapenzi wasikilizaji na tunakutana tena katika sehemu nyingine ya kipindi hiki cha Hadithi ya Uongofu. …

Ufeministi, Itikadi na Misingi yake (26)

Assalaamu Alaykum wafuatiliaji wa kipindi hiki na karibuni kuwa nasi katika sehemu nyingine ya kipindi hiki kinachokosoa itikadi ya ufeministi …

Ulaji wa Lishe Bora katika Kipindi Chote cha Maisha

Wataalamu wa Afya wanasema kuwa, awamu mbalimbali za maisha zinahitajia ulaji wa chakula wa aina tofauti. Iwapo wewe ni mtoto, …

Maua mawili ya Mtume wa Allah (31) Sauti

Bismillahir Rahmanir Rahim. Assalaamu Alaykum Warahmatullahi Wabarakaatuh Karibuni wapenzi wasikilizaji wa Idhaa ya Kiswahili Radio Tehran na wasomaji wa mtandao …