Tovuti Hii Imefungwa. Tumehamia Kwenye Parstoday Kiswahili
Jumanne, 19 Aprili 2016 12:23

Russia: Tutaisaidia Palestina kutatua mzozo na Israel

Russia: Tutaisaidia Palestina kutatua mzozo na Israel

Rais wa Russia Vladimir Putin amesema nchi yake itasaidia juhudi za Palestina za kuupatia ufumbuzi mgogoro kati yake na utawala wa kizayuni wa Israel kwa njia ya mazungumzo.

Putin aliyasema hayo jana Jumatatu mjini Moscow katika mkutano wake na Mahmoud Abbas, Rais wa Mamlaka ya Ndani ya Palestina na kuongeza kuwa, Russia ingependa kufanya mazungumzo ya kuimarisha uhusiano wa pande mbili na Palestina na haswa katika uga wa kiuchumi.

Kadhalika Rais Putin amesisitizia juu ya umuhimu wa kuundwa Kamisheni ya Pamoja ya Serikali za Russia na Palestina.

Kwa upande wake, Mahmoud Abbas, Rais wa Mamlaka ya Ndani ya Palestina amesema kwa sasa kadhia kuu na yenye umuhimu kwa Wapalestina ni kuandaa kongamano la kimataifa la amani katika ardhi zao zinazokaliwa kwa mabavu na utawala ghasibu wa Israel.

Ni vyema kuashiria hapa kuwa, duru ya mwisho ya eti mazungumzo ya amani kati ya Israel na Palestina iligonga mwamba mwaka 2014. Tel Aviv ilifutilia mbali mazungumzo na Palestina mnamo Aprili 24 mwaka 2014, baada ya Mahmoud Abbas kusaini makubaliano ya amani na harakati ya Kiislamu ya Palestina Hamas.

 

 

Andika maoni


Msimbo salama (Security code)
Upyesha (Refresh)

Hadithi ya Uongofu (39)

Ni matarajio yangu kuwa, hamjambo wapenzi wasikilizaji na tunakutana tena katika sehemu nyingine ya kipindi hiki cha Hadithi ya Uongofu. …

Ufeministi, Itikadi na Misingi yake (26)

Assalaamu Alaykum wafuatiliaji wa kipindi hiki na karibuni kuwa nasi katika sehemu nyingine ya kipindi hiki kinachokosoa itikadi ya ufeministi …

Ulaji wa Lishe Bora katika Kipindi Chote cha Maisha

Wataalamu wa Afya wanasema kuwa, awamu mbalimbali za maisha zinahitajia ulaji wa chakula wa aina tofauti. Iwapo wewe ni mtoto, …

Maua mawili ya Mtume wa Allah (31) Sauti

Bismillahir Rahmanir Rahim. Assalaamu Alaykum Warahmatullahi Wabarakaatuh Karibuni wapenzi wasikilizaji wa Idhaa ya Kiswahili Radio Tehran na wasomaji wa mtandao …