Tovuti Hii Imefungwa. Tumehamia Kwenye Parstoday Kiswahili
Jumamosi, 09 Aprili 2016 20:34

Wapalestina wakumbuka ukatili wa Israel Deir Yassin

Wapalestina wakumbuka ukatili wa Israel Deir Yassin

Wapalestina leo wamekumbuka mwaka wa 68 wa mauaji ya raia 270 wa Kipalestina mikononi mwa kundi la kigaidi la Wazayuni kwenye mji wa Deir Yassin katika Ukingo wa Magharibi wa Mto Jordan.

Hafla imefanyika leo Jumamosi katika kijiji hicho kilichoko magharibi wa mji wa Quds (Jerusalem) na kote katika Ukingo wa Magharibi. Wapalestina walioshiriki kumbukumbu hizo walisisitiza kuhusu kuendeleza mapambano dhidi ya utawala haramu wa Israel unaoendeleza mauaji ya Wapalestina, upanuzi wa vitongoji vya walowezi wa Kizayuni sambamba na kubomoa nyumba za Wapalestina na dhulma nyingine mbalimbali. Deir Yassin ni nembo ya ukatili wa utawala haramu wa Israel dhidi ya Wapalestina. Itakumbukwa kuwa siku kama ya leo miaka 68 iliyopita, utawala ghasibu wa Israel ulifanya mauaji ya kinyama katika kijiji cha Deir Yassin huko magharibi mwa Baitul Muqaddas. Mauaji hayo yalifanyika wakati wa vita vya kwanza vya Waarabu na Israel na yalifanywa na genge la kigaidi la Irgun na utawala wa Kizayuni lililokuwa likiongozwa na waziri mkuu wa zamani wa Israel Menachem Begin. Eneo la Deir Yassin lilikuwa na umuhimu mkubwa kwa Wazayuni kutokana na kuwa katika njia ya Baitul Muqaddas na karibu na pwani. Baada ya kukivamia kijiji cha Deir Yassin, Wazayuni hao waliwaua kinyama wakazi 270 ambao hawakuwa na hatia yoyote. Mauaji hayo yaliwalazimisha Wapalestina wengi wa eneo hilo kukimbia makazi yao kwa kuhofia kukaririwa mauaji kama hayo ya kinyama.

 

Andika maoni


Msimbo salama (Security code)
Upyesha (Refresh)

Hadithi ya Uongofu (39)

Ni matarajio yangu kuwa, hamjambo wapenzi wasikilizaji na tunakutana tena katika sehemu nyingine ya kipindi hiki cha Hadithi ya Uongofu. …

Ufeministi, Itikadi na Misingi yake (26)

Assalaamu Alaykum wafuatiliaji wa kipindi hiki na karibuni kuwa nasi katika sehemu nyingine ya kipindi hiki kinachokosoa itikadi ya ufeministi …

Ulaji wa Lishe Bora katika Kipindi Chote cha Maisha

Wataalamu wa Afya wanasema kuwa, awamu mbalimbali za maisha zinahitajia ulaji wa chakula wa aina tofauti. Iwapo wewe ni mtoto, …

Maua mawili ya Mtume wa Allah (31) Sauti

Bismillahir Rahmanir Rahim. Assalaamu Alaykum Warahmatullahi Wabarakaatuh Karibuni wapenzi wasikilizaji wa Idhaa ya Kiswahili Radio Tehran na wasomaji wa mtandao …