Tovuti Hii Imefungwa. Tumehamia Kwenye Parstoday Kiswahili
Jumatatu, 28 Machi 2016 07:30

Zaidi ya watu 50 wauawa katika mripuko wa bomu Pakistan

Zaidi ya watu 50 wauawa katika mripuko wa bomu Pakistan

Kwa akali watu 52 wameuawa na makumi ya wengine kujeruhiwa kwenye mripuko wa bomu uliotikisa mji wa Lahore, kaskazini mashariki mwa Pakistan.

Polisi ya Pakistan imesema mripuko huo wa jana Jumapili ulitokea nje ya Bustani ya Gulshan Iqbal mjini Lahore, katika mkoa wa Punjab, ambao ni moja ya mikoa salama isiyoshuhudia hujuma za kigaidi. Hata hivyo taarifa ya polisi ya nchi hiyo haijafafanua iwapo mripuko huo wa bomu ni hujuma ya kigaidi au la. Hakuna kundi lolote la kigaidi lililokiri kuhusika kwenye hujuma hiyo, ingawa kundi la kigaidi na kitakfiri la Taliban limekuwa likifanya mashambulio ya aina hii nchini humo.

Jam Sajjad Husein, mmoja wa maafisa wa uokoaji amesema aghalabu ya waliojeruhiwa katika mripuko huo wa bomu ni wanawake na watoto wadogo.

Hivi karibuni, watu zaidi ya 17 waliuawa katika shambulio la bomu lililolenga basi la wafanyakazi wa serikali katika mkoa wa Khaybar Pakhtunkhwa, karibu na mpaka na Afghanistan.

Aidha mwezi Januari mwaka huu, watu 15 waliripotiwa kuuawa na wengine zaidi ya 20 walijeruhiwa katika shambulio la bomu lililolenga maafisa wa usalama nje ya kituo cha utoaji chanjo ya ugonjwa wa kupooza (polio) mjini Quetta huko kusini magharibi mwa Pakistan.

 

 

Andika maoni


Msimbo salama (Security code)
Upyesha (Refresh)

Hadithi ya Uongofu (39)

Ni matarajio yangu kuwa, hamjambo wapenzi wasikilizaji na tunakutana tena katika sehemu nyingine ya kipindi hiki cha Hadithi ya Uongofu. …

Ufeministi, Itikadi na Misingi yake (26)

Assalaamu Alaykum wafuatiliaji wa kipindi hiki na karibuni kuwa nasi katika sehemu nyingine ya kipindi hiki kinachokosoa itikadi ya ufeministi …

Ulaji wa Lishe Bora katika Kipindi Chote cha Maisha

Wataalamu wa Afya wanasema kuwa, awamu mbalimbali za maisha zinahitajia ulaji wa chakula wa aina tofauti. Iwapo wewe ni mtoto, …

Maua mawili ya Mtume wa Allah (31) Sauti

Bismillahir Rahmanir Rahim. Assalaamu Alaykum Warahmatullahi Wabarakaatuh Karibuni wapenzi wasikilizaji wa Idhaa ya Kiswahili Radio Tehran na wasomaji wa mtandao …