Tovuti Hii Imefungwa. Tumehamia Kwenye Parstoday Kiswahili
Alkhamisi, 28 Aprili 2016 08:37

Waandamanaji Afrika Kusini wamtaka Rais Zuma ajiuzulu

Waandamanaji  Afrika Kusini wamtaka Rais Zuma ajiuzulu
Wapinzani nchini Afrika Kusini wameitisha maandamano ya kumshinikiza Rais Jacob Zuma ajiuzulu.

Watu hao wakiongozwa na mashirika 75 ya kiraia, wametoa matakwa hayo kufuatia uamuzi uliotolewa tarehe 31 Machi na mahakama ya katiba, unaosema kuwa Rais Zuma hakufuata mapendekezo ya msimamizi wa mali za umma ya kumtaka kulipia gharama za ukarabati wa nyumba yake binafsi huko Nkandla, KwaZulu-Natal, kitendo ambacho kinadaiwa kukiuka katiba. Maandamano yamefanyika nchini kote siku ya Jumatano ikiwemo mjini Johannesburg, Cape Town na Durban. Mjini Johannesburg, mamia ya waandamanaji wakiwemo wasomi, wanasiasa, walinzi wa mazingira, wanafunzi, wafanyabiashara na wanaharakati wa kijamii wameshiriki kwenye maandamano hayo wakimtaka rais Zuma ajiuzulu.

Hayo yanajiri wakati ambao chama tawala cha ANC nchini Afrika Kusini kimetoa taarifa na kutangaza kuwa, matamshi ya Julius Malema mmoja wa wapinzani wa Rais Jacob Zuma ni hiana na usaliti dhidi ya maslahi ya kitaifa na kwamba, serikali ya nchi hiyo itamshtaki. Julius Malema kiongozi wa upinzani nchini Afrika Kusini ametishia kwamba, ili kuiondoa madarakani serikali ya Zuma yuko tayari kutumia nguvu na hata ikibidi atabeba silaha. Malema ambaye ni mkuu wa chama cha Economic Freedom Fighters anamtuhumu Rais Zuma kwa ubadhirifu na anataka kiongozi huyo auzuliwe madarakani.

Andika maoni


Msimbo salama (Security code)
Upyesha (Refresh)

Hadithi ya Uongofu (39)

Ni matarajio yangu kuwa, hamjambo wapenzi wasikilizaji na tunakutana tena katika sehemu nyingine ya kipindi hiki cha Hadithi ya Uongofu. …

Ufeministi, Itikadi na Misingi yake (26)

Assalaamu Alaykum wafuatiliaji wa kipindi hiki na karibuni kuwa nasi katika sehemu nyingine ya kipindi hiki kinachokosoa itikadi ya ufeministi …

Ulaji wa Lishe Bora katika Kipindi Chote cha Maisha

Wataalamu wa Afya wanasema kuwa, awamu mbalimbali za maisha zinahitajia ulaji wa chakula wa aina tofauti. Iwapo wewe ni mtoto, …

Maua mawili ya Mtume wa Allah (31) Sauti

Bismillahir Rahmanir Rahim. Assalaamu Alaykum Warahmatullahi Wabarakaatuh Karibuni wapenzi wasikilizaji wa Idhaa ya Kiswahili Radio Tehran na wasomaji wa mtandao …