Tovuti Hii Imefungwa. Tumehamia Kwenye Parstoday Kiswahili
Jumamosi, 23 Aprili 2016 08:50

Rais Zuma wa Afrika Kusini kuitembelea Iran leo

Rais Zuma wa Afrika Kusini kuitembelea Iran leo
Rais Jacob Zuma wa Afrika Kusini anatazamiwa kuwasili nchini Iran Jumamosi ya leo akiongoza ujumbe wa ngazi za juu wa kisiasa na kiuchumi.

Zuma atalakiwa rasmi na Rais Hassan Rouhani wa Iran siku ya Jumapili na viongozi hao wawili watajadili masuala ya kuimarisha uhusiano wa pande mbili mbali na kubadilishana mawazo kuhusu masuala ya kieneo na kimataifa.

Katika safari hiyo ya Zuma, nchi mbili zitatiliana saini mikataba kadhaa ya ushirikiano wa kibiashara na kiuchumi.

Zuma pia anatazamiwa kutembelea mji wa kihistoria wa Isfahan siku ya Jumatatu.

Hii itakuwa mara ya kwanza kwa Rais wa Afrika Kusini kuitembelea Jamhuri ya Kiislamu ya Iran ingawa Hayati shujaa Nelson Mandela alitembelea Iran kabla na baada ya urais wake.

Iran ilikuwa mstari wa mbele kuunga mkono mapambano ya ukombozi wa Afrika Kusini kutoka kwenye minyororo wa utawala wa makaburu wabaguzi wa rangi. Baada tu ya ushindi wa Mapinduzi ya Kiislamu ya Iran mwaka 1979, nchi hii ilikata uhusiano na utawala wa makaburu na kujiunga katika safu ya mapambano ya wazalendo weusi nchini Afrika Kusini hadi walipopata ushindi.

Andika maoni


Msimbo salama (Security code)
Upyesha (Refresh)

Hadithi ya Uongofu (39)

Ni matarajio yangu kuwa, hamjambo wapenzi wasikilizaji na tunakutana tena katika sehemu nyingine ya kipindi hiki cha Hadithi ya Uongofu. …

Ufeministi, Itikadi na Misingi yake (26)

Assalaamu Alaykum wafuatiliaji wa kipindi hiki na karibuni kuwa nasi katika sehemu nyingine ya kipindi hiki kinachokosoa itikadi ya ufeministi …

Ulaji wa Lishe Bora katika Kipindi Chote cha Maisha

Wataalamu wa Afya wanasema kuwa, awamu mbalimbali za maisha zinahitajia ulaji wa chakula wa aina tofauti. Iwapo wewe ni mtoto, …

Maua mawili ya Mtume wa Allah (31) Sauti

Bismillahir Rahmanir Rahim. Assalaamu Alaykum Warahmatullahi Wabarakaatuh Karibuni wapenzi wasikilizaji wa Idhaa ya Kiswahili Radio Tehran na wasomaji wa mtandao …